ԱՄՆ նախագահի կողմից Հայոց Ցեղասպանության ճանաչումից հետո Հայաստանն ի՞նչ առանցքային անելիքներ ունի։ Արդյոք մենք հասկանո՞ւմ ենք, թե ինչպես կարելի է ավելացնել մեր անվտանգության մակարդակը։ Կօգտվի Հայաստանը ստեղծված իրավիճակից։ Հայկական լոբիստական կազմակերպությունները կաշխատեն կարևոր օրակարգերի վրա՝ Հայաստան-ԱՄՆ հարաբերությունների խորացման, Արցախին և Հայաստանին տրվող օգնության մեծացման համար։
Վարչապետի պաշտոնակատար Նիկոլ Փաշինյանն Ազգային ժողովի ամբիոնից հայտարարեց, որ Սյունիքի մարզում հիմնադրվել է ռուսական 102-րդ ռազմաբազայի երկու նոր հենակետ։ Կա՞ր նոր հենակետերի ստեղծման կարիք՝ հաշվի առնելով Սյունիքում ստեղծված իրավիճակն ու Հայաստանի անվտանգային ներկայիս հարցերը։ Ի՞նչ կարևորություն կունենան այդ հենակետերը Հայաստանի համար։ Այս և այլ թեմաների շուրջ «Առաջին լրատվական»-ը զրուցել է Լոնդոնում հիմնված «Jane’s Intelligence» պաշտպանության և անվտանգության հարցերով վերլուծական կենտրոնի Ռուսաստանի և ԱՊՀ-ի հարցերով առաջատար վերլուծաբան Լիլիթ Գևորգյանի հետ: