Մինչև 2023 թվականը Հռոմի կենտրոնում գտնվող հանրահայտ Կոլիզեումը կկերպարանափոխվի: Իտալիայի իշխանությունները որոշել են վերստեղծել այն ստադիոնը, որտեղ մոտ 2000 տարի առաջ անցկացվել են գլադիատորական մրցումներ:
50 000 հանդիսատես ընդունելու հնարավորությամբ ամֆիթատրոնը կառուցվել է 72-80թթ. և լուսավորվել Տիտոմ կայսրի ժամանակ: Այն օվալաձև է, կենտրոնում ավազ է, իսկ դրա տակ միջանցքներ՝ գլադիատորների ու գազանների համար: Հնագետները, ովքեր պեղումներ են իրականացրել այդ վայրում 19-րդ դարում, հասել են մինչև ստորգետնյա սրահներ: Հիմա այդ թունելները լավ տեսանելի են:
Իտալիայի կառավարությունը որոշել է վերականգնել արենան, ամֆիթատրոնը կստանա նախկին տեսքը, իսկ ստորգետնյա կառույցները կպահպանվեն փլուզումից,-գրում է The Guardian-ը:
Հազարամյա կառույցը վերականգնելու 18,5 մլն դոլար արժեքով մրցույթը շահել է Milan Ingegneria ընկերությունը: Ընկերության առաջարկած արենան կլինի բարձրտեխնոլոգիական: Համակարգչով ղեկավարվող փայտյա բեմի հատվածները կտեղաշարժվեն, իսկ ստորգետնյա թունելները կբացվեն և տեսանելի կդառնան բոլորին: Այդ բեմում կանցկացվեն դասական համերգներ ու այլ միջոցառումներ:
