Մի բան մեզ հաջողվել է՝ քաղաքացին խոսքի ազատության, սեփական քվեի ամենազորության համը առել է; «Առաջին լրատվական»-ի հետ զրույցում նման տեսակետ հայտնեց Շրջակա միջավայրի նախարար Ռոմանոս Պետրոսյանը:
Նախարարի պաշտոնակատարը հույս հայտնեց, որ բոլոր բևեռները պետական շահը վեր կդասեն կլանային շահերից և պետությունը չեն տանի արկածախնդրությաների. «Քաղաքացուն ընտրակաշառքով, սին խոստումներով, սպառնալիքներով հնարավոր չէ ուղղորդել ընտրատեղամաս»:
Անդրադառնալով Սյունիքի միջադեպին և դրան հետևած զարգացումներին, Ռոմանոս պետրոսյանը նշեց. «Սյունիքում ունենք հանքարդյունաբերության հսկա, որտեղ քաղաքական որոշակի շրջանակների հոսքերն են գեներացվում: Հանքարդյունաբերական հսկայի հետ կապվող շրջանակները չեն կարող ներկայացնել ամբողջ Սյունիքը»:
