Հայաստանի ժողովրդավարության ցուցանիշն անկում է ապրել։ Freedom House միջազգային իրավապաշտպան կազմակերպությունը հրապարակել է տարեկան Nations in Transit 2021 զեկույցը, ուր անդրադարձել է նաև Հայաստանի ժողովրդավարության զարգացմանը Հեղափոխությունից հետո առաջին անգամ Հայաստանի ժողովրդավարության ցուցանիշն անկում է ապրել, ասված է Freedom House միջազգային իրավապաշտպան կազմակերպության Nations in Transit 2021. Անցումային շրջանի երկրներ 2021. Հակաժողովրդավարական շրջադարձ անունը կրող զեկույցում, որի միջոցով Freedom House-ը չափում է ժողովրդավարական կառավարման մակարդակը Կենտրոնական Եվրոպայից մինչև Կենտրոնական Ասիա ընկած տարածքի 29 երկրներում: Ըստ զեկույցի՝ ազգային ժողովրդավարական կառավարման վարկանիշը նվազել է 2.50-ից մինչև 2.25 միավոր ` արտացոլելով երկրում կառավարման, ազգային անվտանգության և ինքնիշխանության խորացող ճգնաժամը: Ժողովրդավարության միավորը ներառում է 7 ոլորտների վերաբերյալ առանձին գնահատականներ, ներառյալ ազգային և տեղական կառավարումը, ընտրական գործընթացները, անկախ մամուլը, քաղաքացիական հասարակությունը, դատական համակարգը և կոռուպցիան: Թեմայի շուրջ «Առաջին լրատվական»-ը զրուցել է Հայաստանում ամերիկյան Freedom House կազմակերպության ծրագրի համակարգող Սոսի Թաթիկյանի հետ: