Սննդի և բիոտեխնոլոգիայի դաշնային հետազոտական կենտրոնի սննդաբան, բժշկական գիտությունների թեկնածու Նատալյա Դենիսովան ասում է, որ օրական չպետք է ուտել ավելի քան 60 գրամ ընկույզ: Նրա խոսքերը մեջբերում է Аргументы и факты հրատարակությունը:
Փորձագետը նշել է, որ օրական նորմը 30-50 գրամ ընկույզն է, իսկ ավելի քան 60 գրամը՝ «լրացուցիչ կալորիաներ»: Ըստ նրա, հունական ընկույզ խորհուրդ է տրվում օգտագործել օրական հինգից վեց միջուկ, նուշ կամ պնդուկ`10-12 հատ:
Դենիսովան ավելացրել է, որ ընկույզը, չնայած ճարպի առկայությանը, իջեցնում է «վատ» խոլեստերինի մակարդակը: Այսպիսով, ըստ շատ երկրների հետազոտողների, ընկույզների պարբերաբար օգտագործումը 60-70 տարեկան մարդկանց կողմից նվազեցնում է աթերոսկլերոզի և սրտի այլ հիվանդությունների հավանականությունը:
