Ճապոնիան հայտարարել Է Ռուսաստանի հետ հաշտության պայմանագրի կնքման եւ նրան Կուրիլյան շղշթայի հարավային չորս կղզիները հանձնելու շուրջ բանակցությունները շարունակելու ցանկության վերաբերյալ: Այդ մասին ասվում Է երկրի արտաքին քաղաքականության ամենամյա ընդհանուր ամփոփման մեջ:
«Գլխավոր հարցը, որն սպասվում Է լուծել Ճապոնիայի եւ Ռուսաստանի հարաբերություններում, «հյուսիսային տարածքների» (Հարավային Կուրիլյան կղզիները, որոնք Ճապոնիան համարում Է իրենը) խնդիրն Է»,-ասվում Է փաստաթղթում:
Դրա հետ մեկտեղ Տոկիոյում նշել են, որ իր ինքնիշխանությունը տարածվում Է այդ կղզիների վրա: Ամփոփման մեջ նշվում Է, որ ռազմավարական իրադրությունը Հնդկա-Խաղաղօվկիանոյան տարածաշրջանում շարունակում Է փոխվել, սակայն Ճապոնիայի համար մշտապես կարեւոր են մնում Ռուսաստանի հետ հարաբերությունները:
Իր հերթին Տոկիոն, բացի տարածքային հարցի եւ հաշտության պայմանագրի հարցի լուծումից, կցանկանար գործընկերային հարաբերություններ կառուցել ՌԴ-ի հետ, երկու երկրների միջեւ հարաբերությունները խորացնել այն բնագավառներում, որոնք ավելի վաղ ընդգրկված չեն եղել, զարգացնել համագործակցությունը քաղաքականության, տնտեսության, հումանիտար փոխանակությունների ոլորտում: Ճապոնիան հավակնում Է Կուրիլյան շղթայի հարավային չորս՝ Իտուրուպ, Կունաշիր, Շիկոտան եւ Հաբոմայի կղզիներին՝ վկայակոչելով 1855 թվականի Առեւտրի եւ սահմանների մասին համաձայնության պայմանագիրը:
Մոսկվայի դիրքորոշումն այն Է, որ Հարավային Կուրիլները ԽՍՀՄ-ի կազմի մեջ են մտել Երկրորդ համաշխարհային պատերազմի արդյունքներով եւ դրանց նկատմամբ Ռուսաստանի ինքնիշխանությունը, որն ունի համապատասխան միջազգային- իրավական ձեւակերպում, կասկածից վեր Է:
Տոկիոն իր հերթին շարունակում Է հայտարարել, որ հաշտության համաձայնագիրը կկնքվի միայն «հյուսիսային տարածքների» խնդիրը լուծելուց հետո: 2018 թվականի նոյեմբերին ՌԴ նախագահ Վլադիմիր Պուտինի եւ Ճապոնիայի վարչապետ Սինձո Աբեի՝ Սինգապուրում տեղի ունեցած հանդիպումից հետո կողմերը հայտարարեցին բանակցային գործընթացն արագացնելու մասին: Որոշեցին հիմք վերցնել 1956 թվականի փաստաթուղթը, որը լուրջ զիջում Էր դարձել Ճապոնիայի կողմից: Բայց Մոսկվան եւ Տոկիոն դեռ ոչ մի համաձայնության չեն եկել, հաղորդել Է ՌԻԱ Նովոստին:
