Apple-ը մտադիր է առաջիկա 5 տարվա ընթացքում ավելի քան 430 մլրդ դոլար ներդնել ԱՄՆ տնտեսության մեջ, հայտնում է ընկերության պաշտոնական կայքէջը:
Վերջին 3 տարվա ընթացքում Apple-ի ներդրումը ԱՄՆ տնտեսության մեջ կազմել է 350 մլրդ դոլար: Այժմ այդ ցուցանիշը կբարելավվի 20 տոկոսով առաջիկա 5 տարվա ընթացքում: Ներդրումները ներառում են տասնյակ միլիարդներ վերջին սերնդի միկրոսխեմաների մշակման և ԱՄՆ 9 նահանգներում 5G տեխնոլոգիաների ներդրման համար, նշվում է հայտարարության մեջ: Ընկերության ղեկավար Թիմ Քուքի կարծիքով՝ ընկերության կողմից հատկացվող գումարները նպաստելու են առաջատար տեխնոլոգիաների ու արհեստական ինտելեկտի մշակմանն ու էկոլոգիապես մաքուր արտադրությանը:
Apple-ի ներդրումները հնարավորություն կտան ստեղծել 3000 նոր աշխատատեղ ինժեներիայի ոլորտում: Բացի այդ,1 մլրդ դոլար կներդրվի Հյուսիսային Կարոլինայում նոր ճամբար կառուցելու համար:
Ապրիլի 20-ին ընկերությունը ներկայացրել է նոր iPhone 12 մանուշակագույն մոդելը, վերջին սերնդի iPad Pro պլանշետը, M1 պրոցեսորով iMac համակարգիչը և խելացի AirTags-ը, որը կօգնի գտնել կորած իրերը:
