ՀՀ-ում գործող քաղաքական միջավայրը չի կարող սպասարկել Բայդենի հայտարարության ահռելի հնարավորությունները: Այս մասին «Առաջին լրատվական»-ի հետ զրույցում նշեց Հանուն Հանրապետության կուսակցության ղեկավար մարմնի անդամ, ԱԺ պատգամավոր Արման Բաբաջանյանը: «Բայդենի հայտարարությունը պատերազմից հետո Հայաստանի համար բացառիկ հնարավորություն է: Այն բարձրացնում է հայ ժողովրդի՝ սեփական հայրենիքում անվտանգ ապրելու իրավունքը: ԱՄՆ-ն վերադարձնում է հայերի այն հայերի պարտքը, որոնք հարստացրեցին ԱՄՆ պատմությունը»-նկատեց պատգամավորը:
Պատգամավորի կարծիքով՝ ԱՄՆ-ն հեռացել էր Անդրկովկասից․ «Այս ճանաչումը վերադառնալու միջոց է և հնարավորություն: ԱՄՆ-ն վերադառնում է տարածաշրջան, նրա հետ վերադառնալու է նաև ԵՄ-ն»:
Անդրադառնալով վարչապետ Նիկոլ Փաշինյանի հրաժարականին ու առաջիկա արտահերթ ընտրություններին, պատգամավորը մտահոգություն հայտնեց․ «Մի փոքր տագնապած եմ: Քաղաքական դաշտի որոշ դերակատարներ միջոցների մեջ խտրություն չդնելու, արյուն հեղելու անհագ ցանկություն ունեն: Պետք է կարողանանք անցնցում ընտրություններ անցկացնել, քաղաքական ներկապնակը լցնել նոր խաղացողներով»: