Բալի կղզու մոտակայքում գտնվող ծովի հատակում հայտնաբերվել են Ինդոնեզիայի ռազմածովային ուժերի KRI Nanggala 402 կորած սուզանավի բեկորները, հայտնում է «Սինհուա» գործակալությունը ՝ վկայակոչելով զինվորականներին:
«Անձնակազմի բոլոր 53 անդամներին գտել են մահացած»,-հայտնել են Ինդոնեզիայի ռազմածովային ուժերի գլխավոր շտաբի պետ, ծովակալ Յուդո Մարգոնոն և զինված ուժերի հրամանատար Հադի Չայանտոն:
Սուզանավի հետ կապը կորել էր ապրիլի 21-ին՝ Բալիի մոտակայքում անցկացված ուսումնական վարժանքի ժամանակ:
Որոնումներն իրականացրել են նավատորմի 18 նավեր, ևս չորս նավ մասնակցել է նավատորմի ոստիկանական ուժերից , ինչես նաև երեքը ՝ ազգային որոնողափրկարարական ծառայությունից: Շատ երկրներ իրենց օգնությունն են առաջարկել Ջակարտային, այդ թվում ՝ Ռուսաստանը, ԱՄՆ-ը, Գերմանիան, Ֆրանսիան, Հնդկաստանը, Թուրքիան և Ավստրալիան:
Ինդոնեզիայի նախագահն իր ցավակցություններն է հայտնել անձնակազմի անդամների ընտանիքներին:
