Լրագրող Մայքլ Թումանը գերմանական Die Zeit թերթում տպագրված հոդվածում ենթադրում է, որ ԱՄՆ նախագահ Ջո Բայդենը Ռուսաստանի հետ հարաբերություններում ընտրել է «երրորդ ուղին»:
Նրա խոսքով՝ ամերիկացի առաջնորդը ձգտում է երկխոսության Մոսկվայի հետ, բայց միաժամանակ խստացնում է պատժամիջոցները:
Հեղինակը հիշեցրեց, որ այս շաբաթվա սկզբին Սպիտակ տան ղեկավարը զանգահարել է Ռուսաստանի նախագահ Վլադիմիր Պուտինին և առաջարկել գագաթնաժողովն անցկացնել չեզոք տարածքում: Թումանը կարծում է, որ սա երկու երկրների հարաբերություններում լիցքաթափման տպավորություն է թողել: Սակայն հինգշաբթի՝ ապրիլի 15-ին, Միացյալ Նահանգները պատժամիջոցներ սահմանեցին Մոսկվայի դեմ և հայտարարեցին 10 ռուս դիվանագետների արտաքսման մասին:
Ինչպես նշեց փորձագետը, այդ սահմանափակող միջոցները բավականին ցավոտ են, բայց ոչ կործանարար, քանի որ Ռուսաստանի Դաշնությունը, ի տարբերություն շատ արևմտյան երկրների, պակաս կախված է արտերկրում պետական պարտատոմսերի վաճառքից:
Լրագրողը համոզմունք հայտնեց, որ պատժամիջոցների հետ Բայդենը «բացահայտ մերժում է ցուցադրում» ԱՄՆ նախորդ նախագահ Դոնալդ Թրամփի հանդեպ, «բայց ոչ իր և խոսելու իր առաջարկի»: Լրագրողի կարծիքով՝ նոր պատժամիջոցներով քաղաքական գործիչը ցույց է տալիս, թե ինչ նկատի ունի «Ռուսաստանի հետ կոշտ հարաբերություններ» ասելով, բայց, միևնույն ժամանակ, չի չեղարկում Պուտինի հետ հանդիպելու առաջարկը:
«Այսպիսով, Բայդենը ընտրել է Ռուսաստանի հետ հնարավոր հարաբերությունների երրորդ ճանապարհը»,- ասվում է հրապարակման մեջ: