ՌԴ ԱԳՆ կայքը հրապարակել է ԱՄՆ պաշտոնյաների ամբողջական ցուցակը, որոնց արգելվում է մուտք գործել Ռուսաստանի Դաշնություն՝ հակառուսական կուրսի իրականացման մեջ ներգրավվածության պատճառով: Հաղորդագրությունում նշվում է, որ սա «այս տարվա մարտի 2-ին ԱՄՆ վարչակազմի կողմից Ռուսաստանի պաշտոնատար անձանց նկատմամբ սահմանված պատժամիջոցների պատասխանն է»:
Մասնավորապես, մուտքը փակ է ԱՄՆ գլխավոր դատախազ Մերիկ Գարլանդի, ԱՄՆ բանտերի դաշնային բյուրոյի տնօրեն Մայքլ Կարվախալի, ԱՄՆ ՆԳ նախարար Ալեխանդրո Մայորկասի, ԱՄՆ նախագահի խորհրդական և ՄԱԿ-ում նախկին մշտական ներկայացուցիչ Սյուզան Ռայսի, ՀԴԲ տնօրեն Քրիստոֆեր Ռեյի, ԱՄՆ ազգային հետախուզության տնօրեն Ավրիլ Հեյնսի համար:
Բացի այդ, մուտքը փակ է ԱՄՆ նախագահի ազգային անվտանգության հարցերով նախկին օգնական Ջոն Բոլթոնի և ԿՀՎ նախկին տնօրեն Ռոբերտ Վուլսիի համար: