Կորստից հետո թե՛ անհատը, թե՛ հասարակությունը անցնում է հոգեբանական մի քանի փուլ: Հոգեբանների կարծիքով՝ հետպատերազմական Հայաստանում հանրությունը կոլեկտիվ տրավմա է տարել: Տրավմայի հետևանքով փոխվում են իրականության մասին մարդկանց պատկերացումները, փոխվում է նաև կյանքի մասին պատկերը: Թեմայի շուրջ «Առաջին լրատվական»-ը զրուցել է «Շնչի՛ր» մոտիվացիոն նախագծի հիմնադիր Գոռ Հարությունյանի հետ:
«Այնպիսի իրավիճակ է ստեղծվել, որ մեր հասարակությունը, որպես մեկ ընդհանուր ամբողջություն, ունի հոգեբանի կարիք, բայց միևնույն ժամանակ ունի նաև տեսլական ու գաղափարախոսություն ունենալու խնդիր, որպեսզի կարողանա շարժվել նպատակներն իրականացնելու ուղղությամբ»,- նշեց Գոռ Հարությունյանը:
Նրա դիտարկմամբ՝ մեր հասարակությունը սթրեսային իրավիճակում է, հաճախ ասում են ոչ այն, ինչ մտածում են, և լսում են այն, ինչ ցանկանում են, ոչ թե այն, ինչ ասվում է:
Գոռ Հարությունյանի կարծիքով՝ միայն մեծ նպատակներն այսօր մեր հասարակությանն ավելի լավը կդարձնեն:
Մանրամասն՝ տեսանյութում:
