«Բատկիվշչինա» (Հայրենիք) կուսակցության գրասենյակում УНИАН գործակալությանը հայտնել են, որ կալանքի տակ առնվելուց առաջ Յուլյա Տիմոշենկոն գրություն է ստորագրել, որտեղ խոստացել է ինքնասպանություն չգործել:
«Ցանկանում եմ հայտարարություն անել իմ ձերբակալման հետ կապված պլանների առիթով: Պարզ է, որ սա հաշվեհարդար է քաղաքական ընդդիմախոսի նկատմամբ, բայց ես դրա մասին չեմ գրում: Ես ուզում եմ հայտարարել, որ ինքնասպանության որևէ հակում չունեմ: Որ այն հնարքները, որ իրենք իրականացրին Կիրպայի և Կրավչենկոյի հետ` չարժե, որ կրկնեն: Ես երբեք ինքնասպանություն չեմ գործի: Այն ամենը, որ ես անում եմ` դա իմ պայքարն է քրեական վարչակարգի դեմ աշխարհում Ուկրաինայի արժանի տեղի համար: Յուլյա Տիմոշենկո»,- ասվում է գրության մեջ:
Հիշեցնենք, որ Յուլյա Տիմոշենկոյի նկատմամբ խափանման միջոց է ընտրվել կալանքի տակ առնելը, ինչը նրա կողմնակիցների բուռն բողոքների պատճառ է դարձել:
