Մեր տնտեսությունը խոշոր շոկ է ապրել՝ կապված թե՛աղետների, թե՛ ֆորս-մաժորների հետ: Երրորդ Հանրապետության տարիներին երկար չենք մտածել, թե ինչ է լինելու հետո: Պատերազմի հանգամանքը, որպես խոշոր շոկ Երրորդ Հանրապետության պատմության մեջ, մեզ դաս է տալիս, որ պետք է երկար մտածել: Այս մասին «Առաջին լրատվական»-ի հետ զրույցում նշեց տնտեսագետ Աշոտ Մարկոսյանը:
Նրա դիտարկմամբ՝ դեռևս մեր տնտեսության կրած վնասների մասին հաշվարկներ չկան, ռեսուրսային, արժեքային գնահատականեր չեն տրվել:
Անդրադառնալով կառավարության նիստում վարչապետի հայտարարությանը, որ հետճգնաժամային վերկանգնման առաջին նշաներն են երևում, Մարկոսյանը նշեց. «Առաջին նշաներից մեկն այն է, որ խնայբանկերում և ընդհանրապես բանկային համակարգում ավանդների ավելացում կա դրամների տեսքով: Երկրորդ ցուցանիշն այն է, որ առաջին եռամսյակի համար նախատեսված պետբյուջեի եկամուտների 40 տոկոսն արդեն հունվարին հավաքվել է, սա բարձր ցուցանիշ է: Մնացած հարցերով, չեմ կարծում, թե ամեն ինչ շատ լավ է: Կարևոր հանգամանք է նաև այն, որ տնտեսությունն ունի իներցիոն բնույթ: Դեռևս ամեն ինչ առջևում է»:
Ներկա ժամանակահատվածում օբյեկտիվ պատճառներով տնտեսական անկում է գրանցվել, մինչդեռ քաղաքական շահառուները հիշեցնում են Ռոբերտ Քոչարյանի պաշտոնավարման շրջանը և նշում, որ այդ ժամանակ ունեցել ենք երկնիշ տնտեսական աճ: Անդրադառնալով այս դիտարկմանը՝ տնտեսագետն ընդգծեց, որ Քոչարյանի օրոք տնտեսության մեջ թվերի մանիպուլյացիա է եղել:
Մանրամասն՝ տեսանյութում:
