Ներքաղաքական մթնոլորտում տեղաշարժեր են տեղի ունենում: Այնպիսի տպավորություն է, որ վերջին շրջանում սկսվել է ղարաբաղյան հակամարտության բանակցային փուլերի լյուստրացիա:
Թեմայի շուրջ զրույցում քաղաքագետ Ստեփան Գրիգորյանը նշեց, որ ամենալավ և իմաստուն փորձագետը ժողովուրդն է. «Մարդիկ նախկինների ակտիվացումը, հարցազրույցները ընկալում են որպես ինֆորմացիոն տեռոր ժողովրդի նկատմամբ»:
Նրա խոսքով՝ փորձ է արվում վերաիմաստավորել ղարաբաղյան հակամարտության կարգավորման պրոցեսը և արդարանալ:
Անդրադառնալով Սերժ Սարգսյանի հարցազրույցին՝ Ս. Գրիգորյանը նշեց, որ իրեն մտահոգել է այն հայտարարությունը, թե հեղափոխությունը հակաղարաբաղյան շարժում էր և նույնիսկ արցախցիների դեմ էր. «Ես ոչ մի ելույթ չեմ հիշում, որն ուղղված լիներ արցախցիների դեմ»:
Քաղաքագետը կարծիք հայտնեց, որ նախկինները գործում են Մոսկվայի թելադրանքով և փորձում են մոլորեցնել ժողովրդին: «Ուզում են արդարացնել Ռուսաստանին. Պուտինի կողմնակիցները տեսնում են, որ Հայաստանում արդեն հասկացել են՝ Ռուսաստանը «քցեց» մեզ»,- նշեց Գրիգորյանը:
Մանրամասն՝ տեսանյութում: