Վերլուծաբան Հակոբ Բադալյանը ֆեյսբուքյան իր էջում գրել է.
Սերժ Սարգսյանի հարցազրույցի հիմնական հասցեատերը լայն հանրությունը չէ: կարծում եմ հարցազրույցի հիմնական հասցեատերը նախկին կառավարող համակարգի տարբեր շերտերն են, ֆունկցիոներները, ընտրողները: Սարգսյանը նրամց փորձում է հիմնավորել, որ ինքը չէ 2018-ի պատասխանատուն, մեղավորը, հետեւաբար նաեւ այսօրվա իրադրության պատասխանատու, որպես իշխանոյթյունը պահել «չկարողացած»։
Հարցազրույցի մոտիվը թերևս այդ համակարգի առաջատարների միջեւ պայքարն է, որի շրջանակում Սերժ Սարգսյանին փորձում են խաղից հանել այդ խմբերի եւ շերտերի մոտ թերեւս տարբեր մեթոդներով ու խողովակներով ասելով, թե այս ամենին հենց Սարգսյանը հասցրեց, էլ ոնց կարող եք նրան հաշվի առնել կամ վստահել: Երրորդ նախագահի հարցազրույցը դիրքային պայքար է այդ շրջանակում: Ինչ վերաբերում է կարգավորման գործընթացի մասին բովանդակությանը, ապա էստեղ իհարկե բնականորեն կար թե մանիպուլյացիա, թե ինքնահակասումներ, թե իհարկե թերեւս ճշմարիտ դրվագներ, որովհետեւ ի վերջո կարծում եմ Հայաստանի նախկին եւ ներկա ղեկավարներից ոչ ոք այդ աստիճան միամիտ կամ անմիտ չէ, որ հարցազրույցով ներկայացնի ամբողջական իրական պատկերը,որը շատ շատ ավելի բարդ է, քան բուն գործընթացի մեխանիկան:
