Իտալական Լամպեդուզա կղզու մոտ երեկ հերթական ողբերգությունն է արձանագրվել, որի հետևանքով զոհվել է մոտ 100 փախստական: Այս մասին France Presse գործակալությանը հաղորդել է Մարոկկոյի մի բնակչուհի, որը կենդանի է մնացել փախստականների նավի երկար ճանապարհորդությունից հետո:
«Մենք մոտ 300-ն էինք, սակայն մոտ 100-ը, հիմնականում կանայք, մահացան, և տղամադրիկ ստիպված էին ծովը նետել նրանց դիակները»,- ասել է կինը: Այլ մանրամասներ չեն հաղորդվում: Այս տարվա սկզբից, երբ Հյուսիսային Աֆրիկայում սկսվեցին հուզումները, տասնյակ հազարավոր մարդիկ փորձում են տեղափոխվել Եվրոպայի հարավային շրջաններ, սակայն շատ-շատերն այդպես էլ չեն կարողանում հասնել իրենց նպատակին` դառնալով տարերքի կամ նավերի սխալ շահագործման զոհ:
