Ֆրանսիական դատարանը թույլատրել է Միջազգային Արժույթի Հիմնադրամի նախագահ Ստրոս Կանին փոխարինած Քրիստին Լագարդին պատասխանատվության ենթարկել Նախագահ Սարկոզիի բարեկամ Բեռնար Տապիին պետության կողմից 285 միլիոն եվրոյի վճարում կատարելու կապակցությամբ:
2008 թ Լագարդը զբաղեցնում էր Ֆրանսիայի ֆինանսների նախարարի պաշտոնը, երբ Ֆրանսիայի Պետական բանկի և Տապիին պատկանող Adidas ընկերության միջև ծագած հակասությունը լուծվել էր վերոհիշյալ գումարի վճարումով: Այս պահին դեռ ճշտվում է Լագարդի դերը այդ գործում: