Ղազախստանի ՆԳ նախարարությունն Ալմաթիում գործարկել Է երեխաներին հետեւելու փորձարարական համակարգը: Այդ մասին հայտնել Է գերատեսչության փոխղեկավար Սակեն Սարսենովը:
«Փորձնական ռեժիմով մենք գործարկում ենք մի նախագիծ, որը կապված Է երեխաների անվտանգության հետ: Թրեքինգային համակարգի բացառիկությունն այն Է, որ ավելի վաղ եղել են տարբեր հավելվածներ, բջջային հեռախոսներ, ժամացույցներ, որոնք կարելի Է հանել, եւ այդ ամենը կապվում Էր նույն այն մարտկոցների հետ, դրանք կարող են նստել: Իսկ սա ոչ մեծ սարք Է, որը ներկարվում Է հագուստի մեջ կամ երեխայի ուսապայուսակի մեջ: Իսկ մարտկոցը լիցքավորումը պահում Է մեկ տարի»,-ասել Է Սարսենովը փետրվարի 3-ին տեղի ունեցած ճեպազրույցում: Ղազախստանի ՆԳ փոխնախարարի խոսքով՝ հետեւող սարքն աշխատում Է առանց ինտերնետին միանալու, միայն Bluetooth-ի միջոցով: «Մենք գիտենք, որ այժմ մեզնից յուրաքանչյուրի մոտ Bluetooth-ը միացված Է կամ ականջակալին, կամ ժամացույցին: Եվ համակարգը թույլ Է տալիս որոշել երեխայի թրեքինգը»,-ասել Է Սարսենովը: Երեխայի գտնվելու վայրն իմանալու են միայն ծնողները եւ, անհրաժեշտության դեպքում, ոստիկանության աշխատակիցները, հավելել Է նա: «Մենք այժմ որոշել ենք պիլոտային գոտին՝ Ալմա Աթա քաղաքը: Դպրոցը որոշել Է կրթության եւ գիտության նախարարությունը: Առաջիկայում այդ նախագիծը կգործարկվի պիլոտային ռեժիմով, իսկ հետո, մինչեւ տարեվերջ՝ Ղազախստանի ամբողջ տարածքում»,-ասել Է Սարսենովը:
