«Առաջին լրատվականը» երեկ տեղեկացրել էր, որ Google+ սոցիալական ցանցը շատ կարճ ժամանակահատվածում կարողացել է 25 միլիոն օգտատեր հավաքել: Այս մասին մասնավորապես տեղեկացրել էր comScore կայքը: Ամենաշատ գրանցվածներն ԱՄՆ-ում են՝ 6 միլիոն օգտատեր և Հնդկաստանում՝ 3.6 միլիոն:
Ինչպես գրում է Business Insider-ը, Facebook-ում բավականին մտահոգված են Google+ի նման արագ աճով: Ըստ կայքին հասած տեղեկությունների և հետևելով Quora կայքում Facebook-ի աշխատակիցների գրառումներին՝ նրանք աշխատում են առանց ընդմիջումների և երկար ժամերի ընթացքում՝ առանց գրասենյակը լքելու:
Նման ռեժիմն, ըստ հեղինակների, սովորաբար Facebook-ում գործի է դրվում, երբ ընկերությունում աշխատում են մեծ նորության վրա: