Օրերս հայտնի դարձավ, որ Dasaran.am-ի շուրջ 12 տարվա փորձը և հմտությունները կներդրվեն նաև ԱՄՆ-ում: Dasaran.am կրթական ծրագրի հիմնադիր տնօրեն Սուրեն Ալոյանը «Առաջին լրատվական»-ի հետ զրույցում նշեց, որ 2009-ին վերադարձել է ԱՄՆ-ից և որոշել ներդնել կրթական փորձը:
«Dasaran.am-ի ստեղծման նպատակն առաջին հերթին Երևանի և մարզերի, ինչպես նաև Արցախի միջև տարածությունը կրճատելն էր, օգտագործել տեխնոլոգիաները, ստեղծել էլեկտրոնային խողովակներ, որոնք կմիանային յուրաքանչյուր ընտանիքի՝ անկախ նրա աշխարհագրական դիրքից և սոցիալական կարգավիճակից, և հետո, երբ խողովակները պատրաստ լինեին, որակյալ կրթական բովանդակություն փոխանցել ցանկացած երեխայի: Յուրաքանչյուր երեխա պետք է կարևոր լինի և յուրաքանչյուրը պետք է կրթություն ստանալու հավասար հնարավորություն ունենա»,- նշեց Ալոյանը:
2016թ. Dasaran.am-ը ճանաչվել է աշխարհի 5 լավագույն նորաստեղծ կրթական կառույցներից մեկը ՄԱԿ-ի շրջանակներում: «Ես հնարավարություն ստացա 17 երկրներում կիսվել Հայաստանի կրթական փորձով և Հայաստանը աշխարհին ներկայացնել որպես պոտենցիալ կրթություն արտահանող պետություն»,- ասաց մեր զրուցակիցը:
Կարևորելով տվյալային քաղաքականությունը, Ալոյանը նշեց. «Եթե ուզում ես պատկերացնել հանրակրթությունը պետք է տիրապետես հանրակրթության ամբողջական տվյալներին:
Ալոյանի դիտարկմամբ՝ մեր կրթական համակարգը գնալով ծերանում է. «Երիտասարդ՝ մինչև 30 տարեկան ուսուցիչների թիվը ընդամենը 9 տոկոս է կազմում: Սա վկայում է այն մասին, որ ուսուցչի մասնագիտությունը դառնում է անհետաքրքիր. սա էական խնդիր է»:
Մանրամասն՝ տեսանյութում:
