«Թալիբան»-ը չի համագործակցում ահաբեկչական կազմակերպությունների հետ: Այդ մասին հայտարարել է շարժման քաղաքական գրասենյակի փոխղեկավար Շեր Մոհամադ Աբաս Ստանակզայը:
«Ըստ համաձայնագրի, որը ստորագրվել է մեր և ամերիկացիների կողմից, աֆղանական տարածքներում անընդունելի է ուրիշ պետությունների ու կազմակերպությունների գտնվելը: Մենք գործում ենք համաձայնագրին համապատասխան՝ թույլ չտալով ուրիշների: Մի շարք անձինք և լրատավական գործակալություններ հայտարարում են տարածաշրջանում տարբեր (ահաբեկչական) խմբավորումների ներկայության մասին, սակայն մենք թույլ չենք տա, որպեսզի նման բան տեղի ունենա»,-հայտարարել է շարժման ներկայացուցիչը՝ պատասխանելով, երկրի տարածքում ահաբեկչական կազմակերպություններին «Թալիբան»-ի աջակցության մասին հարցին:
Հերքելով «Թալիբան»-ի մասնակցությունը «Իսլամական պետություն» ահաբեկչական խմբավորմանը ցուցաբերվող աջակցությանը, Ստանակզայն ընդգծել է, որ շարժման հազարավոր մասնակիցներ սպանվել են ԻՊ-ի ուժերի կողմից Աֆղանստանի տարածքը պաշտպանելու ժամանակ: «Եվս մեկ հարց, որը Քաբուլի վարչակազմի կողմից տարբեր ժամանակներում և նրա տարբեր ներկայացուցչիների կողմից բարձրացվում է, որպեսզի մոլորության մեջ գցի աշխարհի ղեկավարներին ու համաշխարհային հասարակայնությանը և հիմնավորի երկրի տարածք ամերիկյան զորքերի մտցնելը և չդադարող պատերազմը… Երկրում չկա «Ալ Քաիդա» հասկացությունը. ո՛չ նրա ներկայացուցիչները, ո՛չ կենտրոնները»,- նշել է Ստանակզայը՝ հերքելով հիշատակված կազմակերպության հետ համագործակցությունը և նրա ներկայությունը Աֆղանստանում, հաղորդել է ՌԻԱ Նովոստին:
