Ղազախստանը սկսել է ռուսաստանյան «Սպուտնիկ V» պատվաստանյութի առաջին խմբաքանակի արտադրությունը՝ 90 հազար չափաբաժին ծավալով: Այդ մասին հունվարի 27-ին հայտնել է հանրապետության առողջապահության նախարարի առաջին տեղակալ Մարատ Շորանովը:
Փետրվարի 1-ից Ղազախստանը կսկսի կորոնավիրուսի դեմ պատվաստումը՝ «Սպուտնիկ V» պատվաստանյութով, որն արտադրվել Է Ռուսաստանում: Պլանավորվում է, որ փետրվարի 15-ից պատվաստման գործընթացին կմիանա Կարագանդայի դեղագործական համալիրի բազայում արտադրված ռուսաստանյան պատվաստանյութը։
Այս տարվա երկրորդ եռամսյակից պլանավորվում է պատվաստման գործընթացին միացնել QazCovid-in հայրենական արտադրության պատրաստանյութը, որն այժմ կլինիկական փորձարկումների երրորդ փուլում է: «Ղազախստան մատակարարվելու և օգտագործվելու են հետևյալ պատվաստանյութերը. փետրվարի սկզբին ռուսական «Սպուտնիկ V» պատվաստանյութի առաջին խմբաքանակի արտադրությունը՝ շուրջ 20 հազար չափաբաժին ծավալով։ Ղազախստանը ռուսական կողմի հետ կնքել է խմբաքանակի մատակարարման ներկրման համաձայնություն, փետրվարի 15-ից կգրանցվի Կարագանդայի դեղագործական համալիրի արտադրության «Սպուտնիկ V» պատվաստանյութը. արդեն սկսվել է առաջին խմբաքանակի արտադրությունը մինչև 20 հազար չափաբաժին ծավալով, որը միասնական պահեստներ կառաքվի փետրվարի 26-ից, այնուհետև՝ տարածաշրջաններ»,- ասել է Շորանովը՝ հանդես գալով մամուլի ասուլիսում։ Այս մասին հաղորդել Է ՌԻԱ Նովոստին:
