ԱՄՆ-ի ընտրված նախագահ Ջոզեֆ Բայդենի պաշտոնակալության վերջին նախապատրաստություններն են տեղի ունենում Միացյալ Նահանգների մայրաքաղաքում, որը նշանակված է հունվարի 20-ի կեսօրին (Երևանի ժամանակով 21:00-ին): Մայրաքաղաքում իրադրությունը տագնապալի է. դաշային ծառայությունները և նահանգների իշխանությոնները վախենում են բռնության հնարավոր բռնկումներից, ինչպես նաև քաղաքական ծայրահեղականների մասնակցությամբ անկարգություններից։
ԱՄՆ-ի Ազգային գվարդիայի ստորաբաժանումներն, ինչպես հունվարի 19-ին հայտարարել են վերջինիս ներկայացուցիչները, անվտանգության ապահովման են բերված ԱՄՆ-ի առնվազն 30 նահանգներում, գվարդիայի ավելի քան 25 հազար մարտիկներ են տեղափոխվել Վաշինգտոն և դրա արվարձաններ: Politico թերթի տեղեկություններով՝ Պենտագոնը թույլատրել է Վաշինգտոն ուղարկել հարյուրավոր զինվորականների:
Նրանց թվում են բժիշկներ, ճառագայթումային, քիմիական և կենսաբանական պաշտպանության մասնագետներ: Իշխանությունների երկյուղները, մասնավորապես, պայմանավորված են այն հանգամանքով, որ Միացյալ Նահանգների գործող ղեկավար Դոնալդ Թրամփի կողմնակիցները հունվարի 6-ին փորձեցին ԱՄՆ-ի Կոնգրեսում թույլ չտալ անցյալ տարվա նոյեմբերի 3-ի նախագահական ընտրությունների արդյունքների հաստատումը, որտեղ հաղթանակ է տարել Բայդենը: Անկարգությունների հետևանքով զոհվել է հինգ մարդ, այդթվում մեկ ոստիկան: Տեղի ունեցածի լույսով ձեռնարկված անվտանգության միջոցներն ԱՄՆ-ի ուժային գերատեսչությունները համարում են աննախադեպ: Պաշտոնակալության և հնարավոր անկարգությունների թեման վերջին օրերին հիմնականն է ԱՄՆ-ի բոլոր կենտրոնական զանգվածային լրատվամիջոցների համար։
