Հոսնի Մուբարաքի մահապատիժը մեծ սխալ կլինի և օգուտ չի բերի Եգիպոտսի ժողովրդավարացմանը: Այս մասին հայտարարել է 2001-2009 թթ. ԱՄՆ ազգային անվտանգության խորհդի անդամ և մերձավորարևելյան բաժնի ղեկավար Էլիոթ Աբրամսը The Jerusalem Post-ին տված հարցազրույցում:
«Մահապատիժը հսկայական սխալ կլինի: Բայց եթե նա դատապարտվի, ապա ո՞վ կարդարացնի նրան: Եթե դուք դառնաք Եգիպտոսի հաջորդ նախագահ, արդյոք կցանկանա՞ք, որ ձեր առաջին պաշտոնական գործողությունը լինի արդարացումը: Դա կարող է վրդովել շատ մարդկանց»,- ասել է Աբրամսը: «Մուբարաքին վանդակում տեսնելը շոկ է հարուցում, նա վատ տեսք ունի: Մեկ տարի առաջ ո՞վ կմտածեր, որ այսպիսի բան տեղի կունենա»,- հավելել է փորձագետը:
Աբրամսը հստակ չգիտի, թե որքան մարդ է ցանկանում կախել Մուբարաքին՝ 2%, թե 75%: Սակայն նրա կարծիքով՝ այս դատավարությունը ներկայիս իշխանությունների համար երկու խնդիր է լուծում՝ հանգստացնել հասարակական կարծիքը, ինչպես նաև ազատվել կոռուպցիայի և կաշառակերության՝ իշխանությունների վրա եղած մեղադրանքներից:
Աբրամսի կարծիքով՝ նախկին պաշտոնյաների և զինվորականների համար Մուբարաքը յուրօրինակ «զոհաբերություն է»: «Մուբարաքի իսկական հանցանքն այն է, որ 30 տարի իշխեց Եգիպտոսում և հիմա թողնում է մի երկիր, որտեղ ամենուժեղ քաղաքական կազմակերպությունը «Մուսուլման եղբայրներն» են»: «Ահա սա է Եգիպտոսի և նրա ապագայի նկատմամբ Մուբարաքի ամենամեծ հանցանքը»,- ասել է Աբրամսը: