Associated Press գործակալությունը պարզել է, որ ԱՄՆ գործող նախագահ Դոնալդ Թրամփը փաստաթղթերի պահպանման մասին օրենքը խախտող սովորություն ուներ, որի պատճառով նրա նախագահության պատմության մեջ կարող են «բացեր» լինել:
Օրինակ, քաղաքական գործիչը հաճախ պատռում ու դեն էր նետում փաստաթղթերը, որից հետո նրա վարչակազմի աշխատակիցները ստիպված էին լինում ժամերով սոսնձել թղթի կտորները: Դա հանգեցրել է Թրամփի նախագահության օրոք կազմված փաստաթղթերի ոչ ամբողջական պահպանմանը, ինչն անհանգստացնում է Սպիտակ տան աշխատակիցներին:
«Նրան ասում էին, որ նման կերպ չվարվի, բայց նա կանգ չէր առնում»,- ասել է Սպիտակ տան արխիվի նախկին վերլուծաբան Սոլոմոն Լարտին:
Բացի այդ, հայտնի է դարձել, որ Թրամփն «առգրավել է» թարգմանչի գրառումները, որոնք արվել էին 2017 թվականին Համբուրգում ՌԴ նախագահ Վլադիմիր Պուտինի հետ հանդիպման ժամանակ:
Պարբերականը շեշտում է, որ օրենքի խախտումը ոչնչով չի սպառնում պետության ղեկավարին, քանի որ փաստաթուղթը նախագահին խնդրում է խորհրդակցել ազգային արխիվագետի հետ փաստաթղթերը ոչնչացնելու որոշում կայացնելիս, բայց նա կարող է չհետևել այդ խորհրդին:
