Վրացի միլիարդատեր Բիձինա Իվանիշվիլին հայտարարել է իր կարողության մեծ մասը բարեգործական հիմնադրամին նվիրաբերելու որոշման մասին: Այժմ Forbes-ը նրա կարողությունը գնահատում է 4.8 միլիարդ դոլար: Սակայն գործարարը շեշտում է, որ գումարը երեք անգամ պակաս է՝ մոտ 1.5 միլիարդ դոլար:
Միևնույն ժամանակ, Enterpreneur պարբերականին տված հարցազրույցում նա խոստանում է 200 միլիոն դոլար թողնել իր և կնոջ համար: «Քարտա» բարեգործական հիմնադրամը ստեղծվել է նրա կողմից 1995 թվականին: Իվանիշվիլին հավելել է, որ ակտիվների փոխանցումը հիմնադրամին սկսվել է 2019թ.-ի դեկտեմբերի վերջին:
Միևնույն ժամանակ, 200 միլիոն դոլարը, որը նա մտադիր է պահել իր և կնոջ համար, Իվանիշվիլին անվանում է ազատ միջոցներ: Բացի այդ, գործարարը նախատեսում է բավարար գումար թողնել նաև իր երեխաներին: Նա ցանկանում է, որ նրանք չկորցնեն «նոր բան ստեղծելու» մոտիվացիան:
Ավելի վաղ Իվանիշվիլին հայտարարել է քաղաքականությունից հեռանալու իր որոշման մասին: Նա դուրս է գալիս իշխող «Վրացական երազանք» կուսակցությունից: