Նախատեսում ենք Հայաստանի բնակչության 10 տոկոսի համար ձեռք բերել պատվաստանյութ՝ ռիսկային խմբերի շրջանում պատվաստումներն իրականացնելու համար։ Այս մասին այսօր մամուլի ասուլիսի ժամանակ հայտարարեց ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Գայանե Սահակյանը։
«Այս պահին բանակցությունները վարում ենք պատվաստանյութի ներկրման հստակ ժամանակահատվածի շուրջ։ Դրան զուգահեռ բանակցություններ ենք վարում նաև արտադրողների հետ։ Մինչև հունվարի վերջ վստահ ենք, որ կունենանք երկրում և առաջինը կսկսենք ռիսկային խմբի շրջանում պատվաստումներն իրականացնել»,-ասաց Գայանե Սահակյանը։