Ռուսաստանում Հայաստանի դեսպանատան մոտ բողոքի ակցիա են անում հայ համայնքի ներկայացուցիչները՝ ընդդեմ վարչապետ Նիկոլ Փաշինյանի։
Հայ Դատի Մոսկվայի գրասենյակի ղեկավար Ներսես Ներսեսյանը նշեց, որ ռուսահայ համայնքը դեմ է բոլոր այն հակահայկական որոշումներին, որի տակ հնարավոր է ստորագրի և ստորագրել է Նիկոլ Փաշինյանը։ «Մենք ասում ենք՝ ոչ։ Նիկոլ Փաշինյան անունով վարչապետը չի լիազորվել ժողովրդի կողմից և իրավունք չուներ ստորագրել նոյեմբերի 9-ի փաստաթուղթը։ Եվ մենք դեմ ենք, իրական ժողովուրդը դեռ կվերականգնվի, ոտքի կկանգնի, կհամախմբվի, և մենք վստահաբար հետ կբերենք այն ամենը, ինչ հնարավոր է հետ բերել առաջիկայում»,- ասաց նա։
Ակցիայի մասնակիցները նաև ստորագրահավաք են կազմակերպել դեսպանատան առաջ։
Նշենք, որ Նիկոլ Փաշինյանն այսօր ժամանել է Մոսկվա, որտեղ կայանալու է Հայաստանի, Ռուսաստանի ու Ադրբեջանի ղեկավարների հանդիպումը։