Հայաստանում բոլորը փորձում են հասկանալ, թե ինչ տեղի ունեցավ, ինչու պատերազմի ժամանակ Ռուսաստանը միջամտեց միայն վերջին պահին, երբ ադրբեջանական զորքերն արդեն փաստացի կանգնած էին Արցախի մայրաքաղաք Ստեփանակերտի մատույցներում: «Առաջին լրատվական»-ի հետ թեմայի շուրջ զրույցում ռուս քաղաքական վերլուծաբան Արկադի Դուբնովը նշեց, որ Ռուսաստանի դիրքորոշումն ի սկզբանե խաղաղապահական է եղել: «Պատերազմն ընթանում էր ԼՂ-ի, ոչ թե Հայաստանի տարածքում, իսկ Ռուսաստանը ՀԱՊԿ-ի շրջանակում պարտավորություններ ունի Հայաստանի և ոչ թե Արցախի առաջ: Երբ նոյեմբերի 9-ին ռուսական ուղղաթիռ խփեցին, դա արդեն իրավիճակի գագաթնակետն էր: Եվ հենց այդ օրն էլ հրադադարի համաձայնություն կնքվեց: Այո, Հայաստանում շատերը Ռուսաստանին մեղադրում են դավաճանության մեջ, բայց դա էմոցիոնալ մոտեցում է: Ես, օրինակ, այդ օրերին չեմ թաքցրել, որ ցավակցում եմ հայկական կողմին, և ինձ մեղադրում էին պրոհայկական դիրքորոշման համար, բայց ես ոչ թե պրոհայկական դիրքորոշում էի արտահայտում, այլ հակապատերազմական:
Անդրադառնալով դիտարկմանը, որ Ռուսաստանը երկրորդ արցախյան պատերազմից հետո գերտերությունից վերածվում է տարածաշրջանային տերության, Դուբնովն ընդգծեց, որ Կրեմլը փորձում է կառուցել ավելի համեստ մասշտաբի ռուսական կայսրություն:
Մանրամասն՝ տեսանյութում:
