Պետք է հուսալ, որ 2021-ին կայունություն կլինի, թե փոփոխություններ կլինեն, բոլոր իրողությունները կլինեն անցնցում, փոխադարձ հարգանքի և ընկալման, այլ ոչ թե ծեծուջարդի և հայհոյախոսության հիման վրա: Թող որ այս Նոր տարին մեր սրտերում բարի խոհ բերի: Այս մասին «Առաջին լրատվական»-ի հետ զրույցում ասաց փիար մասնագետ, ինչպես նաև հեքիաթների մասնագետ Հայկ Կիրակոսյանը:
Հայկ Կիրակոսյանի դիտարկմամբ, այսօր մեզ է ուղղված Սասունցի Դավթի արթնության բանաձևը՝ ով քնած է, արթուն կացեք, ով արթուն է, ելեք զենք կապեք: «Կարծում եմ՝ 2021-ին պետք է պարտադիր դառնա քաղաքացիների ռազմական պատրաստվածությունը: Վեց ամիսը մեկ մենք պետք է քննություն հանձնենք՝ պազելու, թե ինչպես ենք տիրապետում տարբեր զինատեսակների, որովհետև Հայաստանը ռազմական մարտահրավերների երկիր է:
Ես տեսնում եմ մի այսպիսի մեխանիզմ՝ բոլորը տանը պետք է ունենան զենք՝ հատուկ պետական գաղտնագիր-կոդով պահատուփերով, որը միայն կարող է բացվել, երբ պատերազմ կլինի և երբ անհրաժեշտություն կլինի ինքնապաշտպանվել: Առաջարկում եմ այդ գործընթացը սկսել սահմանամերձ բնակավայրերից»,- նշեց Կիրակոսյանը:
Մանրամասն՝ տեսանյութում: