«Ազգային-ժողովրդավարական բևեռ»-ը դեկտեմբերի 14-ին հավաքվեց Գարեգին Նժդեհի հուշարձանի մոտ՝ ԵԱՀԿ Մինսկի խմբի համանախագահող երկրների ներկայացուցիչների ժամանման առիթով հավաք և երթ կատարելու համար: «Ազգային-ժողովրդավարական բևեռ»-ի նախաձեռնող խումբը նշեց, որ հավաքի և երթի նպատակն է՝ իրենց դիրքորոշումը հայտնել Ռուսաստանի, Հայաստանի և Ադրբեջանի ղեկավարների ստորագրած համատեղ հայտարարության վերաբերյալ:
Նրանք ընդգծում են Լեռնային Ղարաբաղի հակամարտության լուծման գործընթացը Մինսկի խմբի ձևաչափ վերադարձնելու անհրաժեշտությունը:
Գարեգին Նժդեհի հուշարձանի մոտից երթը շարժվեց դեպի ՀՀ արտաքին գործերի նախարարություն: Այս պահին երթի մասնակիցներն ԱԳՆ շենքի մոտ են:
