Շաբաթ, դեկտեմբերի 12-ին, կյանքից հեռացել է դերասան Վալենտին Գաֆտը: Այս մասին հայտնում է ՏԱՍՍ-ը ՝ հղում անելով դերասանի կնոջը ՝ Օլգա Օստրոումովային:
«Այո, նա մահացավ: Դա տեղի ունեցավ այսօր», – ասել է Օստրոումովան:
Դերասանը մահացել է 85 տարեկան հասակում: Նրա մահվան պատճառը չի նշվում:
Անցյալ օգոստոսին Գաֆտը հոսպիտալացվել էր կաթվածի պատճառով: Ավելի ուշ նրան տեղափոխել էին վերականգնողական կենտրոն:
Խորհրդային և ռուս դերասան Վալենտին Գաֆտը ծնվել է 1935 թվականի սեպտեմբերի 2-ին, Մոսկվայում:
1957 թվականին ավարտել է ՄԳԱԹ-ի դպրոց-ստուդիան (Վասիլի Տոպորկովի արվեստանոց), կատարել նորամուտը Մոսսովետի անվան թատրոնում (Դմիտրի Ժուրավլյովի երաշխավորթյամբ)։ Որոշ ժամանակ հետո տեղափոխվել է Մոսկվայի դրամատիկական թատոն (ներկայումս՝ Թատրոն Մալայա Բրոննայայում)։ Ավելի լուրջ աշխատանքներ ստացել է Անատոլի Էֆրոսից Լենինյան կոմերիտմիության անվան թատրոնում (ներկայում՝ «Լենկոմ»)։ 1969 թվականին դարձել է «Սովրեմեննիկ» թատրոնի դերասան։
Կինոյում նորամուտը կատարել է 1956 թվականին «Սպանություն Դանթե փողոցում» ֆիլմում (կատարելով էպիզոդիկ դերերից մեկը՝ մարմնավորելով մարդասպանին)։ Ժողովրդականության է արժանացել «կինոչարագործների» դերերի շնորհիվ՝ ունենալով վառ արտահայտված բացասական խարիզմա։
