«Ես մինչև վերջին պահը եղել եմ իմ զինվորականների մեջ, ես իրենց հետ միասին այդ նույն տերիտորիայի մեջ եմ ընկել՝ շրջափակման մեջ: Երկու օր հետո 22 զինծառայողների հետ միասին կարողացել ենք փրկվել ու դուրս գալ»,- Էջմիածնի զորամասի հրամանատար Արսեն Աբգարյանն այսպես արձագանքեց այն անհայտ կորած զինծառայողների հարազատների քննադատություններին, որոնք պնդում էին, թե ինքն իր զինվորականներին լքել է մարտի դաշտում:
Ծնողներից մեկը հուզված արձագանքեց Արսեն Աբգարյանի բացատրություններին. «Ոչխարի պես տարաք երեխեքին բրախեցիր, թողիր-փախար»:
«Ես չեմ փախել, ես երկու օր մնացել եմ նույն շրջափակման մեջ»,- հակադարձեց զորամասի հրամանատարը:
Զինծառայողի հայրը պատասխանեց, ապա քաշքշեց հրամանատարին. «Թողել փախել ես, չես մնացել. իմ երեխային դո՛ւ ես տարել, գնա՛ իմ երեխիս, էսքան ծնողի երեխեքին բե՛ր տուր: Կտամ-կսպանեմ, ես ոչ դատվելուց եմ վախենում, ոչ էլ մեռնելուց եմ վախենում. անգրագետներ:
Երեք անչափահաս երեխեքը տունը՝ ասում են՝ պապի՛, պապան ե՞րբ է գալու: 3, 5, 7 տարեկան, մինչև գիշերվա երեքը չեն քնում:
Ամսի 8-ին ժամը 2-ին Երևանից նախարարությունից եկել-հասել եմ տուն, երեխեքը երեք–երեք նստած են եղել, չեն քնում, էդ երեք անչափահաս երեխի երեսին ես ո՞նց եմ նայելու: Ի՞նչ անեմ, դե ասե՛ք:
