Ըստ նախնական տվյալների ԱՄՆ նախագահ ընտրված Ջո Բայդենը ներկայացրել է Պենտագոնի ղեկավարի պաշտոնի թեկնածուին՝ գեներալ Լլոյդ Օսթինին: Այս մասին գրում է The New York Times-ը:
«Մեր Զինված ուժերում տղամարդիկ և կանայք սիրում են նրան, մեր հակառակորդները վախենում են նրանից, մեր դաշնակիցները ճանաչում և հարգում են նրան: Եվ նա կիսում է իմ խորը հավատը ամերիկյան դաշինքների արժեքների նկատմամբ»,- ասել է Բայդենը:
67-ամյա Օսթինն ունի չորսաստղանի գեներալի կոչում: Եթե նա հաստատվի այդ պաշտոնում, ապա կդառնա առաջին աֆրոամերիկացին, որը կգլխավորի պաշտպանության դեպարտամենտը:
2016թ.-ին թոշակի անցնելուց հետո Օսթինն աշխատում էր խոշորագույն զենք արտադրող Raytheon-ի տնօրենների խորհրդում:
