Այսօր՝ դեկտեմբերի 9-ին, ԱԺ-Կառավարություն հարցուպատասխանի ժամանակ ԼՀԿ խմբակցության ղեկավար Էդմոն Մարուքյանը, դիմելով վարչապետ Փաշինյանին, ասաց. «Դուք անընդհատ շահարկում եք ժողովրդի գործոնը: Հիշում եմ` երբ ասվում էր, թե 7 տոկոսանոց ուժը չի կարող ժողովրդի անունից խոսել. հիմա մոտավորապես նույն բանն եք ասում»:
Մարուքյանը թվարկեց, թե ովքեր են պահանջում Փաշինյանի հրաժարականը. «Այդ մարդիկ ժողովրդի ոչ մի սեգմենտ չե՞ն ներկայացնում: Ձեր կատարած փոփոխություններով չեն լուծվելու այն խնդիրները, որոնց համար այդ հրաժարականը պահանջվում է»:
«Իսկ ինչո՞ւ դուք չեք առաջարկում արտահերթ խորհրդարանական ընտրություններ. այդ քաղաքական ուժերը անընդհատ առաջարկում են սցենարներ, որոնք ունեն մի նպատակ` դուրս թողնել ժողովրդին պրոցեսից, ընդ որում` անվերադարձ»,- պատասխանեց Փաշինյանը և հավելեց, որ այդ ուժերի առաջարկած թեկնածուն չունի հենարան ոչ ժողովրդի շրջանում, ոչ խորհրդարանում:
Վարչապետի խոսքով` նրանց նպատակն է Հայաստանը վերադարձնել ընտրակեղծարարության փուլ. «Հրաժարական են պահանջում այն ուժերը, որոնք դա պահանջում էին 2018թ. հունիսից»:
Մանրամասն՝ տեսանյութում:
