Ամերիկյան Սակրամենտո (Կալիֆոռնիա) քաղաքի առևտրի կենտրոնում «Սև ուրբաթի» զեղչերի ժամանակ կրակոցների արդյունքում մեկ մարդ է զոհվել, իսկ մեկը վիրավորվել է: Այս մասին հայտարարել է ABC հեռուստաալիքը:
Դեպքը տեղի է ունեցել Arden Fair Mall առևտրի կենտրոնում, նոյեմբերի 27-ի երեկոյան:
Նշվում է, որ դեպքի վայր ժամանած ոստիկանության աշխատակիցները հայտնաբերել են հրազենային վնասվածքներով երկու մարդու, մեկը մահացել է տեղում, մյուսը հոսպիտալացվել է ծայրահեղ ծանր վիճակում: Ենթադրվում է, որ զինված անձը դիմել է փախուստի, ոստիկանությունը փնտրում է նրան: