Ուկրաինայի ղեկավար Վլադիմիր Զելենսկին կարող է որոշում կայացնել առաջադրվելու երկրորդ ժամկետի համար: Այս մասին «Կորեսպոնդենտ» պարբերականին տված հարցազրույցում ասել է նախագահի աշխատակազմի ղեկավարի տեղակալ Կիրիլ Տիմոշենկոն:
Այսպես, նա ասել է, որ նախագահական մեկ ժամկետը կարող է չբավարարել երկրում իրավիճակը փոխելու համար:
Նա նշել է, որ Զելենսկին անպայման կհայտարարի իր որոշման մասին նոր ընտրություններից մի որոշ ժամանակ առաջ:
«Որովհետև նախագահն իսկապես բացահայտ ուզում է երկիրը փոխել, ավելի զարգացած դարձնել: Չէ որ նախագահն է որոշում, կհեռանա նա, թե ոչ, բայց նման հարց ընդհանրապես օրակարգում չկա», – ասել է Տիմոշենկոն:
Նշվում է, որ 2020 թվականի մայիսին Զելենսկին չէր պատասխանել երկրորդ ժամկետում առաջադրվելու վերաբերյալ հարցին՝ խոստանալով «մտածել» այս առաջարկի շուրջ:
