Սույն թվականի օգոստոսի 2-ին Վայոց Ձորի և Արարատի մարզի ընդհանուր իրավասության առաջին ատյանի Մասիս քաղաքի դատարանում տեղի ունեցավ Զարուհի Պետրոսյանի սպանության գործով հերթական դատական նիստը:
Նիստի ընթացքում հարցաքննվեցին գործով վկաներ՝ Անահիտ Հակոբյանը՝ Զարուհու և Յանիսի նախկին կուրս.ղեկ, Արմենուհի Ղուկասյանը՝ դասախոս, Բուրաստան Վարդանյանը՝ հարևանուհի: Երկու վկաների ցուցմունքներն էլ վկայում էին Զարուհի Պետրոսյանի պարկեշտ, դրական վարքի և Յանիս Սարկիսովի բացասական վարքի մասին:
Հաշվի առնելով պաշտպանական կողմի բաց թողնված ժամկետը վերականգնելու մասին վճռաբեկ բողոքի, պաշտպան Ժոռա Հարությունյանի առողջական խնդիրների առկայությունը, Յանիս Սարկիսովի՝ դատական նիստերի արձանագրություններին ծանոթանալուց հետո ցուցմունք տալու ցանկությունը, ինչպես նաև տուժողի իրավահաջորդի առաջիկա ծննդաբերության փաստը՝դատական նիստը հետաձգվեց:
Հաջորդ նիստը տեղի կունենա սեպտեմբերի 9-ին ժամը 12:00- ին:
Հաղորդում է «կանանց նկատմամբ բռնության» կոալիցիան:
