Ես՝ որպես արցախցի և հայ մարդ, ինձ նվաստացած եմ զգում։ Այսօր աշխարհի ցանկացած ծայրամասում հայ մարդն իրեն նվաստացած է զգում: Այս մասին «Առաջին լրատվկան»-ի հետ զրույցում նշեց Մարտական խաչի ասպետ, Արցախի «Միացյալ Հայաստան» կուսակցության նախագահ, Մարտական խաչի ասպետ Վահան Բադասյանը:
«Մենք կորցրել ենք մեր պատմությունը: Ես 52 տարեկան եմ, ի՞նչ եմ արել, ո՞րն է իմ արածը, իմ ձեռքբերածը ո՞րն էր սերունդների համար: Եթե ես նախկինում հպարտանում էի, որ հայրենիք եմ ազատագրել, հիմա այդ հայրենիքը այլևս չկա, կապիտուլյացիայի է ենթարկվել, և ո՞ւմ ձեռքով, մի խեղկատակ, հոգեկան հիվանդի ձեռքով: Նրա անունը Նիկոլ Փաշինյան է»,-ասաց նա:
Դիտարկմանը, որ նշվում է, որ դրան այլընտրանք չի եղել և դա արվել է նաև բանակի հորդորով, Բադասյանն արձագանքեց. «Տվյալ պարագայում ոչինչ, որովհետև իրենք սպասել են, որ մեր բանակը բարոյալքվել է: Էն գլխից Նիկոլն այստեղ ուղարկել է բարոյալքված կամավորականներ: Եկել են դիրքերը, բարոյալքել են դիրքերի զինվորներին: Ես ականատեսն եմ եղել բազմահազարանոց բանակի…
Հադրութը հանձնելու պահին 3 հազար մոբ կար Հայաստանից, բայց 3 հազար վախկոտ, բարոյալքված մարդիկ: Իրենց հասկանալի է, որովհետև իրենց մսաղացի մեջ են ուղարկել, իրենք էլ գիտեին, որ եթե ավտոմատը տաս ձեռքը, ուղարկես ահեղ պատերազմի, մսաղացի մեջ, ապա այդպես է լինելու»,-ասաց նա՝։
