Ռուսաստանի Դաշնությունում Ադրբեջանի դեսպան Փոլադ Բյուլբյուլը հայտարարել է, որ Լեռնային Ղարաբաղ թուրք խաղաղապահներ չեն մտցվի՝ չնայած տարբեր լուրերին ու առանձին հայտարարություններին: Այս մասին նա ասել է RBC հեռուստաալիքին տված հարցազրույցում:
«Խոսքը թուրք խաղաղապահներ, զինվորներ մտցնելու մասին չէ: Խոսքը երկու կողմերի կողմից հայտարարության կատարման տեխնիկական վերահսկողության մասին է»,- ասել է դեսպանը:
Նրա խոսքով, Ղարաբաղի տարածք թուրքական զորքեր մտցնելու կարիք չկա, բայց Բաքուն ուրախ կլինի, եթե Անկարան մասնակցի Ռուսաստանի Դաշնության հետ տարածաշրջանում իրավիճակի համատեղ դիտարկմանը: