ԱՄՆ-ի նախագահ Դոնալդ Թրամփը պլանավորում է մի քանի հանրահավաք անցկացնել՝ փորձելով երկարացնել ձայների վերահաշվարկը մի շարք նահանգներում: Այդ մասին հաղորդել է Axios պորտալը՝ վկայակոչելով Միացյալ Նահանգների ղեկավարի խորհրդականներին: Հրատարակության տվյալներով՝ Թրամփի շտաբը պատրաստ է հայտարարել թիմ ստեղծելու մասին՝ Ջորջիայի, Արիզոնայի և Փենսիլվանիայի նահանգներում ձայները վերահաշվելու համար: Թրամփը պլանավորում հանրահավաքներում տեղեկություններ ներկայացնել այն ընտրողների մահվան վերաբերյալ, որոնք իբր քվեարկել են, բայց իրականում մինչև քվեարկության պահն արդեն մահացել էին: Ավելի վաղ ամերիկյան ԶԼՄ-ները հաղորդել են, որ երկրում «մեռած հոգիների» քվեարկության մի քանի դեպք է եղել:
Ընդհանուր առմամբ շտաբն զբաղվում է փաստաբաններ գտնելով և աշխատակիցներ վարձելով, որոնք տեղեկություն կտարածեն, մամուլի համար հաղորդագրություններ կստեղծեն Թրամփի գործողությունների և դատական մարտերի շրջանակներում հայցերի մասին: Ըստ ԶԼՄ-ների տվյալների, նախագահական ընտրություններում հաղթանակ է տարել Ջո Բայդենը, նա արդեն իրեն հաղթող է հռչակել: Հանրապետական նաախագահ Դոնալդ Թրամփն առայժմ չի ընդունել իր պարտաությունը, նրա փաստաբանները հայցեր են ներկայանում տարբեր նահանգների դատարաններ՝ պահանջելով կասեցնել ձայների հաշվումը և հետաքննել ենթադրվող խախտումները։
