«Պատերազմը գնում է մի քանի ճակատով: Եվ պատերազմը սկսվեց ոչ այսօր, որովհետև պակաս ճգնաժամային իրավիճակ չէր կորոնավիրուսի համաճարակի դեմ պայքարը Հայաստանում, որը նույնպես ուղեկցվում էր քարոզչական պատերազմով: Ես այս առումով ես ավելի շատ պատասխանատու եմ համարում իշխանություններին: Պատերազմը ամբողջ աշխարհում բացառում է խաղաղ ժամանակների տասնյակ ժողովրդավարական նորմեր՝ այդ թվում նաև խոսքի ազատությունը: Այս մասին «Առաջին լրատվական»-ի հետ զրույցում ասաց Հեռուստատեսության և ռադիոյի ազգային հանձնաժողովի նախագահ Տիգրան Հակոբյանը:
«Այսօր տեղեկատվությունը պակաս դեր չի խաղում, քան իրական բանակը, քան տնտեսությունը, այն կարևորագույն հասարակական ինստիտուտ է, և բարձիթողի վիճակում թողնելը սպառնալիք է նաև ազգային անվտանգության համար: Տեղեկատվական հոսքերի շատ թույլ կառավարման այս իրավիճակը պետք է դաս լինի, որպեսզի այդ խնդիրները շատ արագ լուծվեն»- նշեց Տիգրան Հակոբյանը: Նա նաև հավելեց, որ ինֆորմացիայի հեղեղի մեջ մարդիկ ընտրում են այն ինֆորմացիան, որը իրենց հարազատ է:
Հեռուստատեսության և ռադիոյի ազգային հանձնաժողովի նախագահի դիտարկմամբ՝ Հայաստանում տեղեկատվության անվտանգության դոկտրինը բացակայում է, որը կարևոր փաստաթուղթ է, և այն պետք է սահմաներ, թե ինչ է տեղեկատվական անվտանգությունը և տեղեկատվական անվտանգության ցանկացած սպառնալիք պետք է կանխարգելվեր՝ ուսումնասիրվեր և չեզոքացվեր: Տիգրան Հակոբյանի խոսքով՝ դեզինֆորմացիան թուլացնում է մեր պետությունը, պետք է պայքարել այս չարիքի դեմ:
Մանրամասն՝ տեսանյութում:
