Բնակչության մոտ հակահամաճարակային կանոնների պահպանման, ընդհանրապես կորոնավիրուսի նկատմամբ զգոնությունը թուլացել է: Այս մասին «Առաջիւն լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Նարեկ Զեյնալյանը:
«Մարդկանց ուշադրությունն ամբողջությամբ պատերազմի վրա է, և հակահամաճարակային կաննների իրականացումը մեծամասամբ չի իրականացվում: Հենց դա է պատճառը, որ վիրուսը նման ձևով տարածվում է: Սա բերում է նաև առողջապահական համակարգի համար բավականին մեծ ծանրաբեռնվածության»,-ասաց նա:
Հարցին, թե սա կարող է ընդհուպ մինչև կոլապսի՞ հանգեցնել, Զեյնալյանը պատասխանեց. «Այս պահին կոլապսի մասին չենք խոսի, բայց եթե նման ձևով շարունակվեց թվերի աճը և հոսպիտալացման կարիք ունեցողների թիվը շարունակեց աճել, բնականաբար, արդեն իսկ ազատ մահճակալներ չեն լինի: Այս պահին էլ գուցե արդեն չկան»: