Հոկտեմբերի 23-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 73310 դեպք, որոնցից 50276-ն առողջացած, 1145-ը մահվան ելքով: Այլ պատճառով մահվան ելքերը 329-ն են։ Այս մասին հայտնում են ՀՀ Առողջապահության նախարարությունից:
Կորոնավիրուսային հիվանդությամբ այս պահին փաստացի բուժում է ստանում 21560 պացիենտ: Ընդհանուր առմամբ կատարվել է 368053 թեստավորում:
Այսպիսով` հոկտեմբերի 23-ի դրությամբ՝ Հայաստանում գրանցվել է կորոնավիրուսի վարակման նոր 2474 դեպք, 14 մարդ մահացել է։ Նախորդ օրն արձանագրվել է մահվան 2 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։
