Նախորդ օրը Պրահայում ֆուտբոլի և հոկեյի երկրպագուների հետ բախումների արդյունքում 25 ոստիկան է վիրավորվել: Այդ մասին երկուշաբթի լրագրողներին հայտնել է Չեխիայի ոստիկանության մամուլի քարտուղար Եվա Կրոպաչովան:
«25 ոստիկան վիրավորվել է, որոնցից չորսը տեղափոխվել են հիվանդանոցներ», – ասել է նա:
Վիրավորներ կան նաև այն խռովարարների շարքում, ովքեր կիրակի օրը անկարգություններ հրահրեցին Հին քաղաքի կենտրոնական հրապարակի տարածքում, որտեղ ֆուտբոլի և հոկեյի երկրպագուները մտադիր էին ցույց կազմակերպել հանրապետությունում սոցիալական սահմանափակումների դեմ`ընդդեմ կորոնավիրուսի տարածման:
Հանրահավաքի կազմակերպիչները, որոնք, պարզվել է, գերազանցել են իշխանությունների կողմից սահմանված 500-ի շեմը, չեն կարողացել ապահովել համապատասխանեն սանիտարական պահանջները: Բողոքի ցույցը դադարեցնելու մասին իշխանությունների կոչերը մերժվել են: Ամբոխից նրանք սկսել են քարեր նետել ոստիկանության վրա, դատարկ շշեր և գործնականում այն ամենը, ինչ գտնվում էր խռովարարների ձեռքում: Ոստիկանությունն օգտագործել է ջրցան մեքենաներ և արցունքաբեր գազ:
