ԱՄՆ նախագահ Բարաք Օբաման, նրա կուսակից, Սենատում դեմոկրատականների առաջնորդ Գերի Ռիդը և Ներկայացուցիչների պալատի հանրապետական մեծամասնության առաջնորդ Ջոն Բեյերը եկել են համաձայնության պետական պարտքի վերին թույլատրելի շեմի բարձրացման պայմանների շուրջ։ Սա թույլ կտա խուսափել դեֆոլտից, որը ամերիկյան կառավարությունը կարող էր հայտարարել, եթե այս համաձայնությունը չլիներ,- հաղորդում է Associated Press գործակալությունը:
Հայտնի է դարձել, որ ամերիկյան իշխանությունները համաձայնել են գնալ զգալի կրճատումների: Առաջիկա 10 տարիների ընթացքում ԱՄՆ կառավարությունը կկրճատի մոտ մեկ միլիարդի պետական ծախսեր: Այս համաձայնությունն արդեն ձեռք է բերվել: 350 մլրդ դոլարից կզրկվի ԱՄՆ պաշտպանական գերատեսչությունը: Համաձայնություն կա նաև, որ պետական պարտքի վերին շեմը կավելանա մոտ 2.5 տրլն դոլարի չափով, ինչը թույլ է տալիս Օբամային, առանց լուրջ խնդիրների, մոտենալ 2012 թ. նախագահական ընտրություններին:
