Աշխարհի դոլարային միլիարդատերերի ընդհանուր կարողությունը հասել Է 10,2 տրիլիոն դոլարի: Դա նոր ռեկորդ Է 2017 թվականից ի վեր, երբ նրանց կարողությունը հավասար Էր 8,9 տրիլիոն դոլարի, ասված Է PwC խորհրդատվական ընկերության հաշվետվության մեջ:
«2020 թվականի վերջին միլիարդատերերի ընդհանուր կարողությունը կազել Է 10,2 տրիլիոն դոլար՝ հասնելով նոր առավելագույնի V-ակերպ դինամիկայից հետո: Այդ մակարդակը գերազանցում Է 8,9 տրիլիոն դոլարի նախորդ առավելակետը, որը ձեռք Է բերվել 2017 թվականի վերջին (աճը 19,1 տոկոս): Ներկայումս կա 2 189 միլիարդատեր 2017 թվականի 2 158-ի համեմատությամբ»,- ասված Է նյութում:
2019 թվականի վերջի դրությամբ միլիարդատերերի կարողությունը կազմել Է 8 տրիլիոն դոլարից պակաս, 2018 թվականի վերջին՝ 8,5 տրիլիոն դոլար:
Վերլուծաբանները նշում են, որ վերջին տասնամյակի մեծ մասը միլիարդատերերի կարողունն աճել Է անկախ հատվածից, բայց վերջին երկու տարում նրանք, ովքեր իրենց բիզնես-մոդելներում շեշտը դրել են տեխնոլոգիաների վրա, պոկվել են առաջ, եւ համավարակը սոսկ մեծացրել Է այդ տարբերությունը:
Այսպես, 2018 ըվականից IT-ոլորտում աշխատող միլիարդատերերի ընդհանուր կարողությունն աճել Է 42,5 տոկոսով՝ մինչեւ 1,8 տրիլիոն դոլար, ինչին նպաստել Է տեխնոլոգիական ընկերությունների բաժնետոմսերի կտրուկ աճը: Նաեւ առողջապահության ոլորտում միլիարդատերերի ընդհանուր կարողությունն ավելացել Է 50,3 տոկոսով, ինչին նպաստել են դեղերի նոր մշակումները եւ նորաստեղծություններն ախտորոշման բնագավառում, ինչպես նաեւ կորոնավիրուսի բուժման վերջերս հայտնված միջոցները (վերլուծության սանդարտ ժամանակամիջոցն ավելացվել Է, որպեսզի հաշվի առնվի կորնավիուսի ազդեցությունը):
Համավարակի դեմ պայքարի համար 209 միլիարդատերեր ծախսել են շուրջ 7,2 միլիարդ դոլար ֆինանսական նվիրատվությունների, արդյունաբերական ապրանքների ու սարքավորանքի եւ այլ միջոցների համար: Հաշվետվության մեջ նշված Է, որ բարեգործության զարգացած մշակույթի շնորհիվ ԱՄՆ-ում ունեւոր մարդիկ այնտեղ նվիրատվություններ են կատարել ավելի շատ, քան մյուս երկրներում (գրեթե 4,6 մլրդ դոլար): Նվիրատվությունների ծավալով երկրորդ տեղում Է Չինաստանը (678,8 միլիոն դոլար):
2020 թականի առաջին մի քանի ամսում համավարակը խիստ դանդաղեցրեց համաշխարհային տնտեսության աճը: Փետրվարին եւ մարտին մի քանի շաբաթվա ընթացքում միլիարդատերերի կարողությունը 2019 թվականի եւ 2020 թվականի սկզբի համեմատությամբ նվազեց 6,6 տոկոսով՝ 2020 թվականի ապրիլի 7-ի դրությամբ մինչեւ 8 տրիլիոն դոլար: Միլիարդատերերի թիվը կրճատվեց 43-ով՝ մինչեւ 2 058, հաղորդել Է ՏԱՍՍ-ը:
