ՀՀ վարչապետ Նիկոլ Փաշինյանը New York Times-ի լրագրողների հետ զրույցում ասել է, որ հինգշաբթի օրը ինքը հեռախոսով զրուցել է նախագահ Թրամփի ազգային անվտանգության խորհրդական Ռոբերտ Օ’Բրայանի հետ:
Փաշինյանը, իր խոսքով, բարձրացրել է այն հարցը, թե ինչու ԱՄՆ-ը ոչինչ չի ձեռնարկում, որպեսզի Թուրքիան չկարողանա օգտագործել ղարաբաղյան հակամարտությունում ամերիկյան արտադրության F-16 ինքնաթիռներ:
«ԱՄՆ-ը պետք է բացատրի, արդյոք նրանք այս F-16-ը տվել են խաղաղ գյուղերն ու խաղաղ բնակիչներին ռմբակոծելու համար»,- ասել է Փաշինյանը:
ՀՀ վարչապետի խոսքով՝ Օ’Բրայանի խորհրդականը լսել է իրեն և խոստացել հեռախոսազրույց կազմակերպել Փաշինյանի և ԱՄՆ նախագահ Դոնալդ Թրամփի միջև: Սակայն հաջորդ զրույցը տեղի չի ունեցել, քանի որ Թրամփի մոտ կորոնավիրուս էր ախտորոշվել:
