Հուլիսի 29-ին ՄԱԿ-ի հովանու ներքո ստեղծված դատարանը պաշտոնապես հրապարակել է այն 4 անձանց անունները, որոնք մեղադրվում են Լիբանանի նախկին վարչապետ Ռաֆիկ Հարիրիի սպանության մեջ: Այս մասին հաղորդում է Associated Press գործակալությունը: Քննության տվյալներով՝ Մուստաֆա Ամին Բադրադդինը, Սալիմ Ջամիլ Ավաշը, Հուսեյն Ունիսին և Ասադ Հասան Սաբրան համարվում են «Հիզբոլլահ» կուսակցության զինվորական թևի ներկայացուցիչներ և կազմակերպել են Հարիրիի դեմ մահափորձը: Բացի այդ, Բադրադդինը մեղադրվում է 1981 թ. Քուվեյթում ամերիկյան և ֆրանսիական դեսպանատների մոտ իրականացված մի քանի ահաբեկչությունները կազմակերպելու մեջ:
Նախաքննական մարմինը հայտարարել է, որ անունների հրապարակումով իրենք հույս ունեն, որ հնարավոր կլինի արագ ձերբակալել մեղավորներին: «Հիզբոլլահից» ասել են, որ իրենց ներկայացուցիչները մեղավոր չեն այս ահաբեկչության մեջ, քանի որ դա ընդհանրապես ձեռնտու չէ իրենց կուսակցությանը: «Հիզբոլլահում» նշում են, որ իրենց առաջնորդները երբեք նման մտադրություն չեն ունեցել, իսկ այս ամենը ոչ այլ ինչ է, քան սադրանք:
Հիշեցնենք նաև, որ Լիբանանի վարչապետ Ռաֆիկ Հարիրին սպանվել է 2005 թ. ուժեղ պայթյունի հետևանքով:
